من نحن
"صنايعي" هي منصة وسيطة تربط بين مقدمي الخدمات المحترفين (الفنيين) وبين طالبي الخدمة (العملاء). نحن لسنا جهة توظيف، بل موفر للتقنية التي تنظم هذا التعامل لضمان الشفافية والجودة.
ليه تطلب من "صنايعي" وأنت مطمن؟
النظام القديم (الاتصال المباشر)
- البحث: بتلف وتدور وتسأل الجيران "متعرفوش حد بيصلح كذا ؟" وفي الآخر بتجيب حد مش مضمون وتجرب في بيتك.
- دوامة المواعيد: "أنا في الطريق يا باشا" واليوم يضيع والفني مايجيش، مفيش أي التزام قانوني أو أخلاقي بالوقت.
- عدة ناقصة: ييجي يبص ويقولك "محتاجين قطعة غيار كذا" وينزل يغيب ساعتين ويرجع يطلب يوم تاني عشان العدة مش معاه.
- فصال ومفاجآت: السعر بيتحدد حسب "الهوا" مفيش تسعيرة واضحة ، وغالباً بتدفع رقم أكبر من قيمة الخدمة الحقيقية.
- لو باظت مفيش ضمان: لو الصنايعي مشي ولقيت المشكلة لسه موجودة ، انسى إنك تعرف تخليه يرجع يصلحها.
سيستم منصه "صنايعي"
- فنيين متصنفين: مش أي حد بيدخل المنصة؛ الفنيين عندنا بيمروا بتوثيق بيانات وارقام قوميه عشان نضمن لك "الأمان" قبل الشغل.
- مواعيد بالدقيقة: السيستم بيحجز الميعاد وبيتابع تحرك الفني بالـ GPS لضمان إنه عندك في الوقت المتفق عليه بالثانية.
- المعاينة أونلاين: ميزة الشات بتخليك تبعت فيديو أو صورة للمشكلة ، فالفني بييجي مجهز شنطته وعامل حسابه في قطع الغيار . "تخلص في قعدة".
- رقابة مالية صارمة: عندنا سيستم تسعير عادل ؛ الفني بيلتزم بسعر عادل ، ولو حاول يبالغ في السعر ، بضغطة زرار بتقدم شكوى وباقي فلوسك بترجعلك.
- ضمان مابعد الزيارة: مصلحتنا إنك تكون راضي، لو الشغل فيه ملاحظات ، فريق الجودة بيتدخل فوراً وبنلزم الفني بإصلاح الخطأ أو استبداله.
- حقك محفوظ قانونياً: التعامل من خلال المنصة بيوثق كل مليم دفعته وكل كلمة اتقالت ، وده بيضمن لك حقك كامل في حالة وجود نزاع.
سياسة الفنيين
- يلتزم الفني بتقديم معلومات صحيحة ودقيقة عند التسجيل.
- أي تلاعب في الأسعار المتفق عليها عبر التطبيق يؤدي لحظر الحساب نهائياً.
- يتم سداد عمولة المنصة (10%) فور تحصيل المبلغ من العميل دون تأخير.
تنبيه: محاولة التواصل مع العميل خارج إطار المنصة للتهرب من العمولة تعرضك للملاحقة القانونية وإغلاق حسابك فوراً وبشكل نهائي.
حقوق العميل
للعميل الحق في معاينة الشغل قبل الدفع. المنصة تضمن وسيلة التواصل الرسمية، ولكنها غير مسؤولة عن أي اتفاقات جانبية تتم خارج نطاق التطبيق الرسمي.
إخلاء المسؤولية
تعمل المنصة كطرف ثالث "وسيط تقني" فقط. نحن لا نتحمل المسؤولية القانونية عن أي أضرار مادية أو معنوية ناتجة عن سوء التنفيذ، ولكننا نتدخل كحكم في حال وجود نزاع موثق عبر التطبيق.